مـاتـعـزمش عليا بذنوبك

زائر

ظاهرة عجيبة وغريبة بنشوفها الأيام دى فى شوارعنا

الظاهرة دى هى انك تلاقى ناس مابتكتفيش انها تعمل الذنب وخلاص ....لا دى بتنشر الذنب وتوزعه وتعزم بيه على الناس

يعنى تلاقى الواحد ماسك السيجارة وبيديها لواحد صاحبه وبيحلف عليه انه ياخدها حتى لو صاحبه قاله مش عايز يفضل يحلف عليه ويصر انه يشربها....

كأنه مش مكتفى بذنوبه لا ده عايز ذنبه وذنوب اصحابه

او تلاقى واحد بيكلم صاحبه وبيحكيله على اخر فيلم نزل فى السينما وبيقوله هيفوتك نص عمرك لو مدخلتش الفيلم ده لازم تدخله ولا اقولك انا هعزمك عليه ياعم وأبقى ادعيلى..

كأنه مش مكتفى بذنبه لا ده عايز ذنوبه وذنوب اصحابه

وتلاقى واحد تانى واقف فى المترو ومشغل تليفونه على الأغانى ومسمع عربية المترو كلها بالاكراه مع انه ممكن يجيب هاند فرى ويسمع لوحده او ممكن يبطل سماع اغانى خالص وده يبقى احسن .....

كأنه مش مكتفى بذنوبه لا ده عايز ذنبه وذنوب عربية المترو كلها

وتلاقى سواق تكتك مشغل الاغانى صوتها اقوى من التكتك نفسه و مسمع الشارع كله....

كأنه مش مكتفى بذنوبه لا ده عليز ذنوبه وذنوب الشارع كله

انا ما بقولش الكلام ده تريقة ولا سخرية من الناس اللى بتعمل كده لا بالعكس احنا كلنا مذنبين وكلنا بنغلط ... انا بس كل قصدى ان كل واحد بيعمل ذنب يتذكر ان رسولنا الكريم عليه الصلاة والسلام قال (ومن سن سنة سيئة فعليه وزرها و وزر من عمل بها الى يوم القيامة ) -او كما قال رسول الله صلى الله عليه وسلم- يعنى الذنب اللى انا بنشره ده بيتحسب عليه وكل واحد بيعمل الذنب ده بسببى بيتحسب ذنبه عليه وعليا انا كمان. يعنى ممكن الواحد يموت ويلاقى لسه عداد الذنوب بتاعه بيزيد بسبب الناس اللى هو عرفهم او علمهم الذنب ده

عشان كده بأستحلفكم بالله ان كل واحد بيعمل ذنب معين يفكر ويقول لنفسه كفاية عليا ذنوبى وميحاولش ينشر الذنب دى ويدعو ليها ....

وافتكروا كلام ربنا سبحانه وتعالى:
[b]"لِيَحۡمِلُوا۟ أَوۡزَارَهُمۡ كَامِلَةً يَوۡمَ الۡقِيَامَةِ وَمِنۡ أَوۡزَارِ الَّذِينَ يُضِلُّونَهُم بِغَيۡرِ عِلۡمٍ أَلاَ سَآءَ مَا يَزِرُونَ "

أَلاَ سَآءَ مَا يَزِرُونَ !

اسأل الله ان يتوب علينا وعلى جميع المسلمين

[/b]

الغاليه
مشااااااااااااعر
موضوع جميل ومهم
حقيقى دى ظاهره غريبه
ومظهر غير حضارى
وللاسف انه عادى جدا عند الشباب
فى الدول الاخرى التزام فى كل شىء
حفاظا على شعور المواطنين
---------------
مواضيعك مهمه تستحق الوقوف فيها واتمنى لكي العمر المديد و التوفيق

زائر

صلاح
ربنا يخليك
فعلا ده زي ما بتقول الناس اشمعنا انا بس الي اشيل الذنوب
ده بدل ما ينصحوا الناس
تحياتي لك ولمشاركتك
اسعدني كثيرا مرورك

مشاعر
[ندعوك للتسجيل في المنتدى أو التعريف بنفسك لمعاينة هذا الرابط]

زائر

انت عمري
مرسي كتير لمرورك

مشاااعر

أصبتِ كبد الحقيقة باختيارك

لأهم المواضيع القيمه التى قرأتها

بارك الله فيكِ

بانتظار جديدكِ

زائر

القلب الحنون
مرسي ليكي كتير
متحرمشي من ردودك الجميله

مشاعر
لقد جاء الاسلام غريب وسيعود غريب
فطوبه للغراباء
والماسك على دينه كاالماسك على جمرة من النار
فموضوعك جميل جدا ولاكن انتى الغريبه فى هذا الموضوع
لان المعاصى قد زادت واصبحت شيء عادى جدا على الناس

زائر

محمود
اسعدني كثيرا مرورك
ومشاركتك الجميله
مرسي كتير لردك

» بتغير عليا ليه
» ][][§¤°^°¤§][][عليا الف مبروك الاشراف][][§¤°^°¤§][][
» عليا كل سنه وانتى طيبه عقبال 100 سنه